Deputetët e Parlamentit britanik kanë votuar kundër propozimit të kryeministrit Boris Johnson për zgjedhje të parakohëshme në tetor.
Propozimi i Johnson mori 293 vota, shumë më pak se 434 vota që i duheshin për të shpallur zgjedhjet e parakohëshme.
Parlamenti u pezullua zyrtarisht rreth orës 3 të mëngjesit të së martës dhe do të rifillojë punën më 14 tetor. Kjo lëvizje konfirmon qëllimin e kryeministrit Johnson për të mos kërkuar shtyrje të re të Brexit.
Megjithatë kjo shkaktoi edhe më shumë kaos në “Dhoën e Komunëve”. Kryetari i Parlamentit, John Bercoë, i cili njoftoi dorëheqjen nga posti i tij ndërkohë që një grup deputetësh Laburistë nuk e mbështetën vepimin e tij duke shpresuar që ai të udhëhiqte një parlament që është tashmë në kaos.
Qeveria e Mbretërisë së Bashkuar thotë se vendi do të largohet nga BE në 31 tetor, pavarësisht nëse një marrëveshje tërheqjeje është rënë dakord me Brukselin apo jo.
Por legjislacioni i ri, i cili u miratuar edhe nga mbretëresha të hënën, ndryshon situatën, dhe do ta detyrojë kryeministrin të kërkojë shtyrje deri në 31 janar 2020 përveç nëse një marrëveshje – ose një dalje pa marrëveshje – miratohet nga deputetët deri në 19 tetor. /Opinion.al
