Irani deklaroi se do të lirojë shtatë anëtarë ekupiazhi që i kishte ndaluar pasi kishte kapur një anije britanike, gati dy muaj më parë.
Zëdhënësi i ministrisë së Jashtme, Abbas Musavi tha në një intervistë për televizionin shtetëror se ata do të mund të largohen nga Irani shumë shpejt.
Ai shtoi gjithashtu se të shtatë personat janë zgjedhur nga kapiteni i anijes, ndërsa 16 pjesëtarët e tjerë kanë thënë se do të jenë në anije, kur ajo të largohet nga ujërat e Iranit.
“Ne jemi shumë të lumtur pasi shtatë anëtarët e ekipit do të lirohen shpejt dhe do të mund të kthehen në familjet e tyre, ndonëse ne ende po presim konfirmimin e datës së lirimit të tyre”, ka thënë, Eris Hanell, presidenti i kompanisë Stena Bulk, që ka në pronësi anijen.
Tensionet mes Londrës dhe Teheranit janë rritur prej kur marina britanike ka kapur një cisterne iraniane, e cila dyshohej se ishte duke transportuar naftë në Siri, në kundërshtim me sanksionet e BE-së.
Pas këtij veprimi, Garda Revolucionare Britanike ka kapur një anije britanike me 23 persona në bord në Ngushticën e Hormuzit më 20 korrik./Opinion.al
