Çdo kontratë koncensionare, nëse PD do të vijë në pushtet do të konsiderohet si vepër e mundshme kriminale. Të paktën kështu pretendon kreu i kësaj force politike, Lulzim Basha i cili ka shpërndarë në rrjetet sociale një plan me disa pika, ku sipas PD-së do të luftohet jo vetëm korrupsioni në nivele të larta shtetërore por edhe do të rikuperohen paratë e vjedhura.
https://www.facebook.com/lulzimbasha.al/videos/355671188447598/
Ajo që të bën përshtypje në këtë plan është se qeveria e drejtuar nga Lulzim Basha ( kur të zgjidhet) merr përsipër një barë të madhe, madje duke anashkaluar dhe disa institucione, që në një vend normal merren me hetimin apo çuarjen para drejtësisë të gjithë ata që kanë shkelur ligjin.
“Paratë që u janë vjedhur shqiptarëve dhe kanë përfunduar në llogari bankare apo janë investuar kudo nëpër botë do të zbulohen dhe do t’u kthehen shqiptarëve”, theksohet ndër të tjera në planin e PD-së./ Opinion.al
