Ish-Presidenti i, Alfred Moisiu, ka folur në lidhje me zhvillimin e zgjedhjeve lokale që do të zhvillohen ditën e nesërme pa opozitën.
Mosiu është shprehur gjatë një interviste televizive se nuk beson se do te ketë përplasje civile ditën e nesërme.
Në lidhje me deklaratat e kryeministrit Rama për paralajmërim me burg dhe mosdalje jashtë shtetit të qytetarëve që kryejnë krime zgjedhore, Moisiu tha se çdo shtet ka ligjet e veta të cilat duhen respektuar.
I pyetur nëse kriza politike do të marrë fund në tetor, duke i hapur rrugë vendit për marrjen e përgjigjes pozitive nga BE për çeljen e negociatave, Mosiu tha se vendi duhet të dalë sa më shpejtë nga kriza.
Ish-presidenti tha se po nuk u mor përgjigje pozitive për negociatat p[opulli duhet të ngrihet e t’i bëjë zap këta politikanë.
“Nuk besoj të ketë përplasje civile. Incidente sporadike mund të ketë. Edhe në kohën e diktaturës ka pasur fenomene. Në diktaturë kishte njerëz që nuk shkonin të votonin. Mbrëmë dëgjova një zonjë. Ajo tha vëllain e kam polic, kurse djalin e kam me opozitën. Çfarë duhet bërë? Daja të vrasë nipin. Në Shqipëri historikisht ka pasur episode sporadike, por përplasje masive nuk besoj se ka. Nuk flas për njerëzit negativ, flas për njerëzit me mend në kokë. Shqiptarët nuk duhet të përleshen me njëri-tjetrin. Cdo shtet ka rregullat e veta dhe për çdo parregullësi do të dënohesh. Kjo varet edhe nga qëndrimi që mbajnë ndërkombëtarët. Të marrësh viza në Amerikë prsh ka të bëjë me qasjen e SHBA. S’ka ndodhur situatë e tillë, që të braktiset parlamenti. Unë nuk e di se ku e bazon Rama atë që thotë. Unë kam dëgjuar z. Palmer që ka thënë nëse vazhdoni me dhunë do quheni organizata të dhunshme dhe opozitarët do hyjnë në listë në zezë. Kjo e tejkalon normalen dhe fjalën e kryeministrit madje. Them se do të hapen, ndryshe populli duhet të ngrihet e t’i bëjë zap këta politikanë”, ka theksuar Moisiu. Më tej, në emisionin “Kjo Javë”, Alfred Moisiu foli dhe për mundësinë e shpërndarjes së Parlamentit nga Presidenti i Republikës, Ilir Meta. Ai është shprehur se Meta nuk mund ta shpërndajë Parlamentin, pasi sipas tij, ai nuk është zgjedhur nga populli, por nga vetë Parlamenti, ndaj dhe e ka të pamundur të marrë një vendim të tillë. Ne jemi republikë parlamentare, s’jemi presidenciale apo gjysmë-presidenciale. Kushtetuta jonë nuk jep kompetencë të tillë. Kjo ndodh kur Parlamenti nuk ka shumicën dhe duhet për ligjet, për të marrë vendime, ndryshe jo. Nuk i krijohet mundësia presidentit të bëjë një akt të tillë. Parlamenti zgjedh Presidentin, nuk është zgjedhur nga populli. Me çfarë të drejte mund ta shpërndajë parlamentin. Kjo më duket e pamundur”, është shprehur ish-Presidenti. Lidhur me përgjimet e gazetës gjermane “Bild” për vjedhjen e votave nga pushteti socialist në Durrës e Dibër, Moisiu ka folur shkurtër, duke thënë se Prokuroria duhet të kishte vepruar menjëherë. Prokuroria duhet të ndërhynte. Duhet të vepronte menjëherë. Edhe mazhoranca duhet të reflektonte. Pushteti gjyqësor nuk pyet as qeveri, as Presidencë, por ne nuk e kemi arritur këtë për fat të keq. Me Reformën në Drejtësi do arrihet kjo”, ka thënë Moisiu./ Opinion.al E.Xh.
