Edhe në Kavajë ka patur tensione në lidhje me përgatitjet për procesin zgjedhor. Mbështetës të Partisë Demokratike, kanë protestuar përpara KZAZ-së që ndodhet brenda shkollës 9-vjeçare “3 dëshmorët”.
Ata kanë kërkuar largimin e materialeve zgjedhore, duke pohuar se nuk do të lejojnë procesin e votimit në ketë bashki, pasi, sipas tyre, nuk është një proces legjitim.
Protestuesit kanë paralajmëruar vijimin e protestës në orën 16:00 të ditës së sotme, si afat për largimin e menjëhershëm të materialeve zgjedhore, në të kundërt do të jenë vetë ata që do ndërhyjnë për largimin e tyre.
KZAZ-ja monitorohet nga efektivë të policisë, të cilët kanë qenë të pranishëm edhe gjatë protestës së zhvilluar, duke tentuar negocim me qytetarët.
Kryebashkiak në Kavajë është Isa Sakja, i cili fitoi mandatin në vitin 2017-të, në zgjedhjet e parakohshme që u zhvilluan pas largimit të Elvis Rroshit.
Sa i përket bashkive të tjera, në Shkodër dhe në Tropojë janë arrestuar disa persona që tentuan të merrnin në kontroll KZAZ-të./ Opinion.al
