Pas publikimit të përgjimeve nga “Bild”, ku përfshihen disa nga përfaqësuesit e PS, ka ardhur dhe reagimi i kryetares së LSI-së Monika Kryemadhi.
Teksa publikon një foto të kryeministri Edi Rama, Kryemadhi shprehet se aty numri një i qeverisë shfaqet me “stafin” e tij elektoral në Durrës.
Kryemadhi thekson se faktori kriminal ka ndikuar në rezultatin e zgjedhjeve të viti 2017 dhe se për këtë arsye Rama duhet të jap dorëheqjen.
POSTIMI I PLOTË
Faktet e bëra publike nga gazeta gjermane ‘Bild’, i vënë vulën tjetërsimit të votës nga krimi i organizuar për llogari të Rilindjes.
Këto fakte janë vetën një pjesë e puzzle-it gjigand të bashkëpunimit të krimit të organizuar me zyrtarët e Rilindjes, të të gjitha niveleve.
Unë kam denoncuar publikisht me fakte, që në tetor të 2017, lidhje të tjera të elementëve kriminalë direkt me Edi Ramën.
Në fotografi mund të shikoni Edin të rrethuar nga “stafi” i tij elektoral në qarkun e Durrësit. Këto incizime nuk janë rastësi, as të vetmet prova për tjetërsimin e votës së shqiptarëve. Ato shtrihen kudo nga Jugu në Veri. Nga Shkodra në Dibër. Nga Elbasani në Lezhë. Nga Vlora në Berat. Nga Tirana në Fier. Kudo në të gjithë Shqipërinë.
Për çdo shqiptar është më se e qartë:
Krimi i organizuar është ulur këmbëkryq në kutitë e votimit, në Parlament, në karrigen e Kryeministrit, në qeveri.
Zgjedhjet, Parlamenti, Kryeministri dhe Qeveria janë ilegjitime.
Koha e këtij Kryeministri ka mbaruar! Dorëheqja është e vetmja rrugëdalje e tij.
Popullin nuk e ndal dot askush të thotë sot fjalën e tij dhe t’i rikthejë legjitimitetin zgjedhjeve, parlamentit, qeverisë, që sot janë marrë peng nga bandat e Rilindjes.
Asnjë hap pas!/ Opinion.al E.Xh.
