Ministri gjerman i Shtetit për Europën në Ministrinë e Jashtme Federale, Michael Roth (SPD) është shprehur se BE të duhet marrë një vendim për hapjen e negociatave të anëtarësimit me Shqipërinë dhe Maqedoninë e Veriut në qershor.
“Ne duhet t’i qëndrojmë fjalës dhe përmbushim angazhimet tona”, deklaroi Ministri i Shtetit për Europën në Ministrinë e Jashtme Federale për të përditshmen gjermane “Der Tagesspiegel”. Politikani i SPD-së risolli në vëmendje se një “afat i qartë ishte përcaktuar vitin e kaluar nga BE-ja”, duke theksuar se data më e përshtatshme për hapjen e negociatave të anëtarësimit me dy vendet ballkanike duhet të jetë qershori i këtij viti”.
Roth thekson se një votim pozitiv për këto dy vende kërkon guxim, pasi Unioni ende kërkon më tepër kohë në Bundestag.
“Koha më e mirë për të vendosur mbi nisjen e negociatave të anëtarësimit. Një votim pozitiv në kohën e duhur për të hapur negociatat me Shqipërinë dhe Maqedoninë e Veriut kërkon pak guxim, por edhe më shumë vizion,” shtoi ai.
Në Ballkanin Perëndimor, BE, Rusia, Kina dhe Turqia po luftojnë për ndikim. “BE-ja nuk ka për synim vetëm të garantojë interesat jetikë të sigurisë, por edhe besueshmërinë e saj”, tha Roth.
Komisioni Europian rekomandoi të mërkurën që krerët e BE-së të nisin negociatat e anëtarësimit me Maqedoninë e Veriut dhe Shqipërinë.
Sipas KE, të dy vendet kanë pasur progres përsa i përketë reformave në sistemin e drejtësisë dhe në luftën kundër korrupsionit./ Opinion.al E.Xh.
