“Dhimbja e Europës dhe e gjithë botës për flakët e Notre-Dame, i ka dhënë zërin e duhur tragjedisë. Dhimbja për zjarrin bëri që të ndihej përkatësia europiane, por me Notre-Dame nuk u dogj Europa. Europa në flakë? Jo. Unë më shumë besoj se Europa është mbytur në detin Mesdhe bashkë me qindra mijëra emigranë që në këto dekada kanë vdekur, pa na ardhur asnjë lajm për fundin e tyre.”
Kështu shkruan shkrimtari dhe gazetari italian Roberto Saviano për djegien e katedrales Notre-Dame në Paris, ngjarje që tronditi opinion publik në Europë dhe më gjerë. Saviano thotë se influencat europiane në Afrikë po shkaktojnë një tjetër tragjedi, siç është lufta në Libi që mund të sjellë një valë të re emigrantësh.
“Europa është toka e së Drejtës, katedralja më e qëndrueshme dhe më e vlefshme e saj, por po shuhet prej shumë kohësh. 800 mijë njerëzit e burgosur dhe të skllavëruar në Libi, tani janë në një rrezik edhe më të madh se në muajt e kaluar. Ata janë pasqyrimi i dështimit të një ideje, të një projekti, atij europian, që bëhet çnjerëzor nga ata të cilët thonë se janë shumë të dobët për të diskutuar çështjen e emigrantëve. Europa po mbytet, e teksa përpiqemi të dukemi mirë duke shpresuar që një katedrale të rindërtohet, injorojmë qindra mijëra jetë që në këto momente, edhe për shkakun tonë, po përjetojnë ferrin”, shkruan Roberto Saviano./Opinion.al
