Rose Marie Bentley kishte jetuar gjithë jetën, dhe jo pak por një shekull, në një fshat të Oregonit, në Shtetet e Bashkuara. Ajo lindi e rriti 5 fëmijë dhe për disa dekada rregulloi flokët e të gjithë zonjave në lagjen e saj, duke bërë një jetë të qetë.
Por Marie Bentley bëri histori pas vdekjes. Ajo kishte vendosur që pasi të ndërronte jetë të dhuronte trupin e saj për studime shkencore, pranë Universitetit të Shkencës në Portland. E ndërsa bënin autopsinë rutinë, studentët e mjekësisë zbuluan “sekretin e zonjës”, të cilin as ajo vetë nuk e kishte kuptuar asnjëherë.
Rose Marie Bentley kishte të gjithë organet të vendosura në krah të kundërt. Zemra ndodhej në të djathtë, po ashtu dhe stomaku, ndërsa mëlçia në të majtën, si dhe kishte parregullsi në mushkëri dhe në shpretkë.
Rasti i rrallë, i cili në gjuhën mjekësore quhet “situs inversus” , është një rast klinik që zakonisht nuk lejon që personi të jetojë një jetë normale e të qetë. Në histori, vetëm dy persona që vuanin nga raste të ngjashme kishin jetuar mbi 70 vjet, dhe asnjë 99 vjet sa zonja Rose Marie.
Publikimi i rastit ngriti shumë pikëpyetje mbi mjekësinë amerikane, kryesisht në zona të humbura rurale.
“Të paktën eko ka bërë, si ka mundësi që askush nuk e kuptoi diçka kaq të dukshme dhe kaq të rëndë?”, shkruhej në Twitter./Opinion.al
