Trajneri i njohur, Ernest Gjoka, mendon se shteti duhet të ketë ndëshkime të forta ligjore për dhunën në futboll, edhe kur ajo kryhet nga njerëz të tribunës VIP.
“Kur dikush që ka një status në tribunën VIP ngrihet, bërtet, shan, provokon, atëherë çfarë do të bëjnë njerëzit? Ne duhet të kemi një ligj. Ligji duhet të jetë si për tribunën VIP, sipër njerëzit, si për ndokënd, si për trajnerin apo lojtarin sepse ne që e ndiejmë dhe e kemi në kurriz këtë lloj presioni nuk e keni idenë se sa të vështirë e kemi të punojmë”, tha Gjoka teksa fliste për rastet e përsëritura të dhunës në stadiume.
Teksa flet për skuadrën e Vllaznisë, Gjoka ka treguar se kur ka qenë trajner është kërcënuar, pasi sipas tij qyteti është i japur nga pjesa e keqe.
“Shkova me një dashuri shumë të madhe sepse shkova në një qytet që ka prodhuar gjithmonë jo vetëm futboll, por edhe në art. Pata problem deri në rrezik të jetës sime për arsye sepse u mundova të jem profesionit dhe për arsye sepse ata njerëz që nuk e meritojnë të jenë pjesë e ekipit të mos jenë nëpër këmbë dhe të na pengojnë punët. Qytetin e ka kap pjesa e keqe. Ai qytet duhet të luftojë shumë me pjesën e keqe. Nuk është e kollajtë. Kam qenë prezent në disa raste sëbashku me kryetaren e bashkisë, ku presionin që kisha unë e kishte dhe ajo”, tha Gjoka./Opinion.al
