280 pasagjerë kanë kaluar tre orë ankthi në det të hapur mbrëmjen e shkuar, pasi trageti i linjës Bari-Durrës ka pësuar defekt, ndërsa lundronte drejt Durrësit. Rrymat e forta detare ndihmuar dhe nga moti i keq e kanë spostuar tragetin në drejtim të Brindizit gjatë kohës kur lundrimi u ndërpre.
Kapiteni i portit, Tauland Allka, bëri me dije se një problem me paketën e Kontrollit ka bërë që trageti të pësojë black out në orën 03:00 të mëngjesit.
Ai u shpreh se udhëtarët janë asistuar nga ekuipazhi me ushqim dhe akomodim për të shmangur pasigurinë gjatë orëve të natës kur u konstatua dhe punua per defektin. Kapiteni ka ndezur manualisht një prej motorëve duke sjellë energjinë elektrike për pasagjerët që ishin në panik e në mankth.
Ndërsa Guardia di Finanza dhe roja bregdetare italiane kanë qënë në gadishmëri për të ndërhyrë në rast rrezik mbytjeje. Mësohet se rreth orës 06:00 të mëngjesit trageti është nisur pas vënies në funksion e riparimit të defektit. Pritet që trageti të ankorohet në orën 16:00 në portin e Durrësit me 280 pasagjerët dhe 40 automjetet qe gjenden në të./E.M
