Në Amerikë dhe në vendet tjera Perëndimore, meshkujt shpenzojnë mesatarisht 217 dollarë për dhuratat e Shën Valentinit dhe në darka me partneret e tyre. Por, edhe 41 për qind e femrave në lidhje e urrejnë ditën e Shën Valentinit më shumë se çdo ditë tjetër festive.
Kjo për shkak se Shën Valentini, sipas tyre nuk sjell ndjenja të vërteta. Veç kësaj, dita e Shën Valentinit është e mbushur me pritshmëri të mëdha, thotë ekspertja e lidhjeve Jane Greer.
Sipas saj, disa femra mund të presin që në këtë ditë të marrin dhuratë një unazë diamanti gjatë një darke romantike, presin që të përjetojnë seksin më të mirë ndonjëherë por në fakt, asnjëra palë nuk mund të përjetojë ndjenja të vërteta në një natë të “detyruar”.
Në fakt, 34 për qind e femrave, më parë do të shikonin televizor gjatë ditës së Shën Valentinit sesa të kryenin marrëdhënie intime. Përderisa dita e Shën Valentinit i dedikohet romancës, meshkujt zakonisht presin që femrat të duken dhe të sillen seksi për një ditë e cila mund të mos ketë aspak rëndësi për to./E.M
