Kryetari i Partisë Demokratike, Lulzim Basha, ishte këtë të shtunë në Universitetin “Ismail Qemali” të Vlorës. në një takim me studentë dhe pedagogë të këtij universiteti.
Basha riktheksoi në fjalën e tij, Partia Demokratike me të ardhur në pushtet do të zhbëjë Ligjin për Arsimin e Lartë, që sipas tij po u vë kazmën universiteteve.
“Arsimi do të jetë në një ditë më të zezë nëse vazhdohet me këtë ligj të Arsimit të Lartë, që i vuri kazmën universiteteve publike. Demokratizimi i vendimmarrjes është normë evropiane, është garanci, siç është garanci për shtetin është garanci edhe për universitetin. Siç kemi ardhur sot në këtë ditë këtu, se e gënjen mendja atë që është Pashai i Vlorës dhe i të gjithë Shqipërisë, se ai i di të gjitha, prandaj ai meriton të ketë edhe pushtetin ekzekutiv, edhe parlamentin, edhe gjyqësorin, edhe median, edhe ekonominë. Përqendrimi i të gjitha pushteteve në një dorë është fundi i mirëmenazhimit të një sistemi. Prandaj, demokratizimi i sistemit arsimor do të jetë prioritar për ne. Çështjet kryesore të vendimmarrjes do t’u takojnë vetë universiteteve dhe aty ku duhet, do të jenë të përfaqësuar sa duhet edhe nga studentët”, tha Basha.
Basha po kështu ka folur edhe për investime në sistemin parauniversitar.
“Alternativa për arsimin 9-vjeçar dhe arsimin e mesëm konsiston në dy shtylla. Së pari, rritja e financimit për indfrastrukturën parësore, shkollën, ambientet. Sipas llogarive tona kërkon një investim prej 120 mln eurosh në vit për një periudhë 6 vjecare që sipas projeksioneve aktuale demografike, në cdo cep të Shqipërisë të kemi infrastrukturë cilësore arsimore. Së dyti, mbështetja me kapacitetin njerëzor, pra mësuesit dhe kapacitetet e tjera profesionale, në mënyrë që shkolla të ofrojë jo vetëm mbulimin e detyruar të programit mësimor, por edhe për të ofruar një kohë shtesë, derisa të dalin prindërit nga shkolla, në mënyrë që të avancojmë edhe aktivitete ekstrakurrikulare. Kjo kërkon një investim të fortë që konsiston me një rritje prej 25 % të numrit të mësuesve në sistemin parauniversitar, dhe do tëkërkojë po kështu një investim për mbështetjen e orarit të zgjatjes me një kosto minimale prej afro 300 dollarësh në vit për t’i mbështetur me ushqim në një vakt nxënësit e shkollave 9 vjecare e të mesme. Me këto shpenzime, përqindja shkon nga 4,7 sot në 5,2 përqind. Nuk është diçka që bëhet aloko fondet sot dhe nesër bëhet realitet, ky është një proces që kërkon kohë. Por e rëndësishme është që kohë të mos humbasim më. Të niset me një plan kombëtar që të bëhet realitet.”, tha Basha
