Elena Di Martino është një nga tifozet më të zjarrta të Juventusit. Mbrëmjen e djeshme ajo ishte në stadium për të ndjekur ndeshjen mes ekipit të Juventusit dhe Chievo-s.
Ajo ishte ulur pikërisht pas portës në Allianz Stadium dhe është goditur në fytyrë nga një top i gjuajtur nga Cristiano Ronaldo. Për ata që janë fansa të futbollit, e dinë shumë mirë se me çfarë force mund të godasë ish-fituesi i “Topit të Artë”.
“Të goditesh në fytyrë me një top nga Cristiano Ronaldo nuk i ndodh të gjithëve. Falemindeirt tifozëve të tjerë që ishin në stadium për suportin”-shkruan Elena në Facebook-
46 vjeçarja ka dhe një kërkesë për yllin portugez, si për ti “shlyer” dëmin që i bëri: “Cristiano është një idhull, por tani, pas kësaj goditje që mora, pres një ftesë për darkë!”. Ndoshta Ronaldo edhe mund ta ftojë për darkë, por kjo duket e vështirë për momentin, pasi sot u dënua nga gjykata e Madrid-it për evazion fiskal dhe ndoshta nuk ka kohë të merret me tifozët e tij
G.Z
