Moderatorja Luana Vjollca dhe Krenar Çoçaj nuk e kanë pranuar e as nuk e kanë mohuar ndonjëherë lajmin se ata janë në një lidhje. Edhe pse nuk kishte dyshime për këtë pjesë pas shumë fotove të publikuara në portale ku çifti dukeshin bashkë, ata asnjëherë nuk kanë reaguar.
Disa foto të tjera janë publikuar para pak ditësh, foto këto që vërtetuan se ata janë akoma bashkë pas lajmeve se gjërat mund të jenë ftohur. Luana zgjodhi ta festonte Krishtlindjen në Prishtinë pranë të dashurit të saj. Ajo u shfaq përkrah tij në Katedralen Shën Nënë Tereza ne Prishtinë.
Kishte disa kohë që ata nuk ishin parë bashkë ose thjesht ia kishin dalë mbanë t’i shpëtonin shkrepjes së ndonjë fotoje.
Detaji tjetër që ka bërë konfuzë fansat është fakti që ata nuk ndjekin njëri-tjetrin në Instagram. Mirëpo nëse do ishin ndarë, Luana nuk do ndiqte as të ëmën e Krenarit, “vjehrrën e saj”.
Teksa po i hidhnim një sy listës së personave që ndjek Luana, pamë që ajo i ka bërë “follow” zonjës Lume Çoçaj, mamasë së Krenarit. Gjithsesi duket se kjo e fundit nuk ja ka kthyer me të njëjtën monedhë, pasi nuk e ka follow Luanën, mirëpo ato janë shoqe në facebook .
Kujtojmë se Luana e ka përshëndetur ‘live’ në emision. Në puntatën e fundit të “Shiko Kush Luan”, një prej skuadrave ftoi në skenë një zonjë nga publiku për të rrotulluar rrotën e pikëve dhe pasi u pyet nga Luana, ajo u shpreh se quhej Lume.
“Zonja Lume, unë vdes për këtë emër dhe e kam një arsye pse!”-tha me zë të lartë Luana, duke i lënë të gjithë në dyshime për arsyen. E në fakt Lume quhet vjehrra e saj.
