Dyzetë punonjëse të një rrobaqepësie në Durrës janë intoksikuar gjatë punës.
Sipas raportimeve nga vendngjarja, punonjëset u ndjenë keq gjatë orarit të punës.
Ato janë shoqëruar menjëherë në spitalin rajonal të Durrësit për të marrë ndihmën e parë.
Ndërkohë që dy prej tyre vazhdojnë të jenë në kujdesin e vazhdueshëm të personelit mjekësor.
Është ende e paqartë se çfarë e ka shkaktuar helmimin e punonjësve, ndërkohë që nuk ka një komunikim nga policia mbi ngjarjen.
Kjo nuk është hera e parë kur punonjës të insdustrisë fasone helmohen në punë, por shpesh këto ngjarje janë mbyllur pa ndëshkuar shkeljet në punë.
