Kryeministri ynë Edi Rama ka reaguar ndaj Greqisë që e konsideroi “të papranueshme” vrasjen e ekstremistit grek që qëlloi ndaj policisë e me pas mbeti i vrarë në shkembimin e zjarrit.
“Fqinj të dashur! Në vend ta quani të papranueshme humbjen e jetës së një të fandaksuri që qëlloi me plumba luftarakë mbi policinë tonë, e cila bëri vetëm detyrën e saj, bashkohuni me ne në falenderimin e Zotit që asnjë jetë e pafajshme nuk humbi sot nga marrëzia ekstremiste?????”, shkruan Rama në Twitter.
Lexo edhe:
MINISTRIA JONE E JASHTME REAGIM PER GREQINE
DEKLARATA E MINISTRISE SE JASHTME GREKE
NGJARJA
Kostandinos Kaçifa, greku që sulmoi me armë forcat e policisë shqiptare në Bularat të Gjirokastrës, mbeti i vrarë. Forcat RENEA ishin vënë në ndjekje të tij në faqen e malit mbi depon e ujit të fshatit Bularat. Pasi e lokalizuan ato i kanë bërë thirrje të hedhë armën dhe të dorëzohet.
Por shtetasi Kaçifa nuk i është përgjigjur thirrjes së herë pas hershme të policisë, por ka hapur zjarr me armë duke rrezikuar jetën e efektiveve edhe për shkak të terrenit ku mundësia e mbrojtjes ishte e ulët. Forcat RENEA janë kundërpërgjigjur dhe gjatë shkëmbimit të zjarrit Kaçifa mbeti i vrarë.
***
E gjitha nisi sot rreth orës 10:00, teksa po fillonte ceremonia per ushtarët greke, ku e pranishme ishte dhe ambasadorja greke. Kaçifa kishte qëlluar fillimisht me armë zjarri në ajër dhe kur forcat blu shkuan drejt vendit ai hapi zjarr ndaj tyre. Ai zbrazi një karikator të tërë automatiku nga një distancë prej 10 metrash largësi dhe katër plumba goditën makinën e policisë. Ky ka qenë moment kur policia locale kërkoi ndihmën e forcave të RENEA-s të cilat zbarkuan në Bularat me helikopter.
Kostandinos Kaçifa banor i Bularatit kishte kohë që jetonte në Greqi. Një javë më parë ai ishte kthyer në fshatin e tij. Në profilin e tij në Facebook, Kaçifa kishte shumë mesazhe ku bënte thirrje për rezistencë të grekëve në jug të Shqipërisë, të cilët i quan “vorio-epiriotë”.
/Opinion.al
