Lajmi që Dukesha e Sussex-it, Meghan Markle është në pritje të një fëmije ka lumturuar të gjithë Britaninë. Por oborri mbretëtor gjithashtu u kritikua për njoftimin.
Dhjetra gra të irrituara shkruan në rrjetin social Twitter se ishte një vendim i gabuar që ky lajmërim të bëhej me 15 tetor. Kjo ditë shënon ditën e fundit të javës ndërkombëtare të përkujtimit të humbjes së fëmijës. Datat 8-15 tetor synojnë ndërgjegjësimin për kujdesin e femrave gjatë shtatzënisë. Si edhe përkujtimin e bebeve të humbura gjatë ose menjëherë pas lindjes.
Për shumë komentuese, zgjedhja e kësaj date për të bërë pikërisht një lajmërim të tillë është e trishtë për shumë nëna që kanë humbur bebet e tyre.
“Disi e pandjeshme të lajmërosh një shtatzëni mbretërore në ditën e fundit të javës së përkujtimit të humbjes së një fëmije. 15 tetori është një ditë e veçantë për prindërit kundrejt engjëjve të tyre. Nuk prisnit dot 1 apo 2 ditë?” ,-shkruan një vajzë në Twitter.
