Edhe pse Xhisiela Maloku ishte nën urdhër mbrojtje prej datës 1 tetor ,vetëm pas shpërthimit të ndodhur mbrëmjen e së dielës, në shtëpinë e të afërmve të Xhisielës, një furgon policie është vendosur pranë banesës së saj .
Një furgon me efektivë të policisë nga Tirana kanë marrë në siguri shtëpinë e Xhisiela Malokut. Përforcimet u vendosën pas shpërthimit të tritolit tek të afërmit e denoncueses së djalit të deputetit Rexhep Rrahja.
Vetë 25-vjeçarja pas shpërthimit tha se do të pranonte mbrojtjen e policisë pasi tani ndjehej vërtetë e kërcënuar.
Ajo u tha gazetarëve që tritoli është vendosur nga PD dhe opozita. Ndërkohe ish i dashuri i saj, i cili është akuzuar për përndjekje ndaj Malokut ndodhet në masën e sigurisë arrest me burg në qelitë e paraburgimit të Durrësit./abcnews.al
