Nëse doni të punoni si mjek familje në Tiranë tashmë e keni një mundësi.
Ministria e Shëndetësisë dhe Mbrojtjes Sociale ka bërë të ditur vendet vakante që janë krijuar për mjek familje në Qendrat Shëndetësore në qarkun e Tiranës.
Në njoftimin e publikuar në faqen zyrtare në Facebook thuhet se të gjithë të interesuarit duhet të paraqesin dosjet e tyre pranë Ministrisë së Shëndetësisë dhe Mbrojtjes Sociale.
“Shpallen vendet vakante për mjekë familje në Qendrat Shëndetësore të Qarkut #Tiranë.
Të gjithë të interesuarit mund të konkurojnë nëpërmjet dosjeve të tyre dhe kërkesat mund të dorëzohen pranë Ministrisë së Shëndetësisë dhe Mbrojtjes Sociale deri më datë 10.10.2018.
Kjo procedurë do të ndiqet për të gjitha qarqet në vend”.
