Presidenti grek, Prokopis Pavlopoulos, gjatë një vizite të tij në Paramithia, një qytezë çame, ka paralajmëruar shtetin shqiptar se nëse do përkrahjen e Greqisë për t’u integruar në Bashkimin Evropian atëherë duhet të pranojë qëndrimin se çamët janë bashkëpunëtorë të nazistëve. Presidenti ka thënë se kjo është e vërtetë historike dhe se duhet pranuar si e tillë.
Pavlopoulos ka theksuar se Shqipëria nuk duhet ta përmendë më kurrë problemin e çamëve.
“Duhet të jemi të ndershërm. Nëse shqiptarët e duan miqësinë tonë dhe fqinjësinë tonë të mirë, ne i mbështesim në perspektivën e tyre evropiane, e cila është e nevojshme për ta. Por duhet që menjëherë të pranojnë një të vërtetë historike lidhur me të ashtuquajtërën çështje çame dhe të mos e përmendin më asnjëherë në marrëdhëniet tona. Çdo gjë kalon nga respektimi i të vërtetës dhe historisë. Duhet të dinë se çamët ishin bashkëpunëtorë të nazistëve. Përsa kohë që Shqipëria i mbështet bashkëpunëtorët e nazistëve, pra mbështet ata që përgjakën Europën. Europa, në të cilën ata duan të hyjnë, është një ndërtesa ku bota nuk do të shohë të përsëriten më këto krime. Nuk është çështje hakmarrjeje por çështje drejtësie”, deklaroi ai.
Deklarata e Pavlopoulos u bë gjatë nje ceremonie përkujtimore për ngjarjet e luftës së dytë Botërore në këtë zonë dhe është provokimi më i madh që i bëhet Shqiperisë që synon marrëdhënie të mira fqinjesie. Dy vendet jane prej 1 viti dhe në negociata per kufijte detarë.
