Ditën e sotme, e enjte, kthjellimet mbeten dominante në gjithë Shqipërinë deri në orët e pasdites, kur vranësirat shfaqen në zonat Jugore. Në mbrëmje dhe gjatë natës, vranësirat përfshijnë të gjithë territorin shqiptar por më të dendura në ekstremin Juglindor të vendit ku priten edhe shira të dobët.
Temperaturat e ajrit ulen lehtë gjatë mëngjesit por një rritje me 2°C sjellin orët e mesditës, duke shënuar maksimalisht 27°C.
Era do të fryjë mesatare por deri e fortë në zonat Lindore, me shpejtësi deri 50 km/h nga Verilindja ndërsa në det vijon dallgëzimi 3 – 4 ballë.
Dita e Premte, 28 Shtator:
Sipas MeteoAlb, paraditja e së premtes mbetet e kthjellët në të gjithë vendin, përjashtuar ekstremin Juglindor ku do të ketë edhe vranësira kalimtare. Orët e pasdites vijojnë me kthjellime e vranësira të lehta në zonat Perëndimore por me vranësira të shpeshta paraqitet ekstremi Jugor dhe zonat Lindore të cilat rrezikohen nga shira afatshkurtër.
Temperaturat e ajrit do të rriten me 2 – 3°C në mëngjes dhe mesditë duke ngjitur në rang territori, vlerat ekstremale në 5 deri në 29°C.
Era do të fryjë mesatare por deri e fortë në Juglindje, me shpejtësi mbi 50 km/h nga drejtimi Lindor duke gjeneruar në det dallgëzim 3 ballë.
