Një protestë e pazakontë është zhvilluar nga një grup fëmijësh gjermanë, të cilët iu kanë bërë thirrje prindërve të tyre të mos rrinë gjithë kohën me telefon në dorë.
Protesta është zhvilluar në qendër të qytetit të Hamburgut dhe fëmijëve iu janë bashkuar edhe prindër të cilët i kanë parë të marshojnë në rrugë me pankartat:”Luaj me mua, jo me telefonin tënd”.
Protesta është organizuar nga 7-vjeçari, Emil Rustige, i cili ishte i pakënaqur nga mungesa e vëmendjes që prindërit e tij tregonin ndaj tij. Kjo ka ngjallur solidaritet tek njerëzit në rrugë dhe 150 persona iu janë bashkuar fëmijëve në protestën e tyre.
