Edhe pse sot Noizy është një prej reperave më të njohur në Shqipëri, gjë e cila i ka sjellë edhe shumë të ardhura të mira, dikur ai ishte thjesht një emigrant në rrugët e Londrës.
E kaluara është një pjesë që Noizy e kujton shpesh, ndaj edhe kësaj here është bërë disi nostalgjik duke postuar një foto e cila përcjell mesazhin konkret të kësaj të kaluare. Mesa duket reperi është bërë pak nostalgjik për vuajtjet që ka kaluar gjatë asaj kohe dhe në Instagram ka postuar një foto ku shihen grushtet e tij të gjakosura.
“Ti thjesht ma din emrin, por jo të kaluarën time”, shkruan Noizy në foton e postuar.
Mesa duket suksesi i madh e ka një shpjegim dhe është pikërisht puna e palodhshme dhe sfidat që e kanë bërë edhe më të fortë atë.
