“Më kthe paratë e mia ose të vras. Nuk po bëj shaka”.
Për t’i treguar që kishte qëllime ‘serioze’ ka nxjerrë një pistoletë gjysmë automatike, i ka futur një plumb në karikator dhe ia ka vendosur armën në fyt, nën mjekër duke ia ngjeshur pas një shtetasi me origjinë tuniziane.
Ky person, hajdut, grabitës i dhunshëm dhe i armatosur me një armë ilegale është arrestuar nga skuadra e lëvizshme pasi një i ri tunizian, pikërisht viktima e tij, në mes të natës, me sa duket i terrorizuar ka shkuar në kuesturë për të treguar mbrëmjen e tij të tmerrshme.
I arrestuari është një 44-vjeçar shqiptar me iniciale L.P. i njohur në zonë si Tito, një i njohur i vjetër i forcave të rendit.
Mes ‘performancave’ të tij, përveç denoncimeve të shumta për dhunë, kërcënime ndaj punonjësit publik, përleshje, shfrytëzim prostitucioni, madje edhe një arrestim për rrëmbim personi dhe grabitje.
Në vitin 2016 ai i kishte vendosur thikën në fyt një personi duke e detyruar atë të hynte në makinë dhe pastaj ta çonte në një degë bankare, duke e detyruar atë të tërhiqte në ATM dhe t’i jepte të gjitha paratë.
Për të paktën 5 vjet, sipas një mase të caktuar ndaj tij, Tito nuk duhej të qëndronte në qytet dhe provincë.
Por ai u arrestua nga rrugën “Guarini”, ku me sa duket qëndronte: atje në fakt jeton e bija dhe partnerja i tij.
Jo larg është Sassi bar, ku tuniziani një natë më parë, rreth orës 21:00, po luante lojëra elektronike. Tito kishte hyrë, e kishte parë, të dy e njihnin njëri-tjetrin: menjëherë shqiptari e sulmoi i tha t’i jepte 800 euro që i kishte dhënë hua në dhjetor.
Tuniziani nuk kishte asgjë dhe atëherë shqiptari hipi në Smartin që kishte 48-vjeçari, në pronësi të një mikeshe të tij.
Brenda ishte madje edhe celulari i tij. Tito bëri një xhiro, ndërkohë tuniziani qëndronte i dëshpëruar, pastaj shqiptari u kthye në bar, e tërhoqi zvarrë borxhliun e tij brenda Smartit, ku nxori armën dhe ia vendosi në fyt, duke kërkuar këtë herë një mijë euro.
Viktima trokiti në derën e stacionit të policisë, tregon gjithçka, përshkruan agresorin e tij dhe hetuesit, duke kërkuar edhe në rrjetet sociale, gjetën foton e tij. Shkurtimisht kuptohet se ka të bëjë me Titon dhe fillon kërkimi.
Kërkime që çojnë në një adresë të vjetër, ku gjendet dhe i kërkuari. Pas kontrollit në garazh gjendet dhe pistoleta, prodhim sovjetik dhe në celular poshtë këllëfit 2 gram kokainë.
