Kishte disa ditë që ka ardhur në Kosovë për pushime. Por kosovari nga Franca 58 vjeç, që kishte pasaportë zvicerane, të shtunën vrau vëllain e tij, 4 vjet më të vogël me moshë, Mali Gashin.
Arsyeja e vrasjes sipas familjarëve dyshohet që ka të bëjë për një tokë. I dyshuari për vrasjen e vëllait, sipas bashkëfshatarëve kohë më parë kishte vuajtur 13 vite burg për vrasjen e një fqinji. Prokuroria bashkë me policinë për këtë punë po i vazhdojnë hetimet. I dyshuari gjendet në arrati.
Familjarët kanë hapur dyert e zisë për familjarin e tyre, i cili kishte ardhur nga Franca për pushime në Kosovë.
“Nuk mund të flasim. Nuk e dimë se si ndodhi. Për tokë janë vra”, thonë disa nga kushërinjtë e viktimës duke mos dashur të japin detaje.
Pas vrasjes së të vëllait, i dyshuari ka ikur nga vendi i ngjarjes me një veturë me targa franceze dhe se nuk e dinë ku është ai.
Ndërkohë , fqinjët e viktimës thonë se i dyshuari që e vrau vëllain, kohë më parë kishte vrarë edhe një fqinj të tijin. Për këtë kishte vuajtur edhe 13 vite burgim.
Viktima ishte i martuar dhe la pas 4 fëmijë, dy vajza dhe dy djem./GazetaExpress/
