Skuadra e Anglisë do të luajë sot në mbrëmje ndeshjen e saj të parë në Botërorin ‘Rusi 2018’ përballë Tunizisë, ashtu siç bëri 20 vite më parë në Botërorin ‘France 1998’.
Pikërisht në këtë përballje të zhvilluar përpara 20 viteve, ishte parashikuar që terroristi i Al-Qaeda-s, Osama Bin Laden të sulmonte lojtarët anglezë, por fatmirësisht që diçka e tillë nuk ndodhi.
Sipas ‘ESPN’, Bin Laden kishte hartuar një plan, sipas librit të gazetarit Adam Robinson, “Terror en el campo”, bazuar në shënimet e shkruar nga Ahmed Zaoui, një terrorist tjetër i Al-Qaeda.
“Shejh (emri me të cilin Bin Ladeni ishte i njohur) na kërkoi të vëzhgonim lëvizjet e David Seaman, Alan Shearer dhe Glenn Hoodle (trajner), si dhe lojtarëve shumë të njohur: Michael Oëen dhe David Beckham. Ne i kishim sugjeruar që njeriu kryesor duhet të shkojë te Seaman dhe ta shpërthejë. Ky do të ishte sinjali, që vëllezërit e tjerë të fillojnë me pjesën tjetër të operacionit” ka shkruajtur Robinson në librin e tij.
Grupi terrorist do të depërtonte me tre persona brenda stadiumit, ku do të sulmonin në minutën e 22-të të lojës duke hedhur një bombë si fillim afër portierit, më pas në stolin e kombëtares angleze dhe në fund do të sulmonin të gjithë tifozët e pranishëm në stadium.
Gjithashtu në të njëjtën kohë me këtë sulm ishte planifikuar që të sulmohej edhe hoteli ku qendronte kombëtarja e SHBA-së.
