Ish-ministri i Drejtësisë Ylli Manjani ka reaguar ashpër pas një takimi në Presidence mes Kryeministrit Rama dhe presidentit Meta lidhur me marrëveshjen e detit. Detaje të takimit nuk u bënë publike në media nga institucionet, por duket se gjithçka lidhet me negociatat që po bëhen me Greqine. Manjani thote se ketu vjen era tradhti dhe nuk e ka vetem me Ramen por edhe me Meten. Kush eshtë garant se kjo marrëveshje do jete e drejtë? Pyet ai, per sa kohe Gjykata Kushtetuese në vend është inekzistente pasi per shkak te vetingut janë shkarkuar pjesa me e madhe e kesaj trupe.
Ja deklarata e plotë e Manjanit
Kujdes!
——-
Plotfuqishmëri për marrëveshjen e detit?!
Në mënyrë absolute jo! Kjo do ishte pjesë e tradhëtisë ndaj vendit.
Republika e Shqipërisë, për turpin e vet, nuk është në pozita kushtetuese të nënshkruajë marrëveshje ndër-shtetërore me askënd, sepse nuk ka gjykatë kushtetuese!
Është kjo gjykatë që vlerëson kushtetutshmërinë e marrëveshjeve, por ajo nuk ekziston!
Ndaj smund të ketë marrëveshje me askënd! Aq më tepër një marrëveshje për de-limitim kufinjsh!
Me gjithë respektin, por:
As Qeveria, që ka treguar qartë që shet çdo gjë e gjithkënd, për pushtetin e Xhafallarëve e as Ramallarëve;
As Presidenti, që ende nuk ka asnjë fjalë për keqqeverisjen;
Nuk janë garanci për kushtetuetshmërinë e marrëveshjeve ndër-shtetërore!
Edhe sikur të dy këto institucione të ishin 100% qelibar, prape nuk janë garanci në kuptimin Kushtetues!
Kjo garanci sipas Kushtetutes jepet vetëm nga Gjykata Kushtetuese! Si në çdo vend tjetër të botës.
Kujtoj që edhe në shtetin e ri të Kosovës, ishte Gjykata Kushtetuese që i dha garancinë përfundimtare marrëveshjes me Malin e Zi!
Republika e Shqipërisë nuk e jep dot këtë garanci kushtetuese qytetarëve të saj! Kulmi!
Marrëveshja e detit nuk është as kontratë koncensioni e as vendim qeverie që prish e ndreq ndërtesa publike, apo qe pezullon çertifikatat e pronësisë !!!
Nëse duan të bëjnë ndonjë gjë të hajrit, të publikojnë rezultatin e negociatave dhe një hartë që del nga këto.
Të ftojnë opinionin dhe specialistët të japin vlerësimet e tyre, deri sa vendi të ketë një Gjykatë Kushtetuese! Të “përfitojmë” nga kjo gjë absurde!
Ndryshe, çdo gjë tjetër është Tradhëti ndaj vendit!
