Policia e Krujës ka dhënë detajet e reja për mjetin e djegur plotësisht që u gjet sot në fshatin Gramëz, Krujë, dhe që dyshohet se është përdorur në ngjarje kriminale.
Mësohet se dy ditë më parë, në Komisariatin e Policisë Lushnje ka bërë kallëzim shtetasi A.T. se i kanë vjedhur mjetin tip Benz me targa AA 399 DG. E ky mjet sot është gjetur i djegur.
Informacion paraprak.
Më datë 11.04.2018, Salla Operative Krujë është njoftuar se në fshatin Gramëz, Krujë, është djegur plotësisht nje mjet tip Benz C-Klas, me portbagazh me targa AA 399 DG.
Nga veprimet paraprake hetimore ka rezultuar se më datë 09.04.2018 në Komisariatin e Policisë Lushnje ka bërë kallëzim shtetasi A.T. se i kanë vjedhur mjetin tip Benz me targa AA 399 DG.
Në vendngjarje ndodhen Efektivet e Policisë, të cilët po punojnë për sqarimin e rrethanave të ngjarjes.
