Shumë prej nesh jemi familjarë me shenjën e diellit, ose ndryshe shenja e horoskopit që lidhet me personalitetin. Këto shenja janë edhe baza e parashikimeve mujore të horoskopit.
Por shenjat e hënës janë diçka komplet ndryshe. Në astrologji, ndërsa dielli reflekton personalitetin tuaj të jashtëm, shenja e hënës kontrollon emocionet, ndjenjat dhe gjendjen shpirtërore. Për të gjetur shenjën e hënës të cilës i përkisni, nevojitet data, vendi dhe ora kur keni lindur. Hëna lëviz çdo dy ose dy ditë e gjysëm në horoskop dhe shenja e hënës mund të jetë ndryshe nga shenja e diellit. Prandaj duhen kaq shumë specifika.
Ka shumë kalkulatorë online që ju ndihmojnë të gjeni shenjën tuaj të hënës, si për shembull CafeAstrology.com. Nëse e keni gjetur cilës shenjë hëne i përkisni, atëherë mund të lexoni karakteristikat më poshtë:
Peshorja – Ju i dashuroni lidhjet romantike dhe jeni gjithmonë në kërkim të gjysmës tjetër. Ju pëlqen që gjërat t’i bëni gjithmonë me dikë, qoftë mik apo mikeshë ose i/e dashur/a. keni tendencën t’i bëni të tjerët të ndihen komod rreth jush, dhe njerëzit tërhiqen natyralisht. Ana e keqe është që dëshira për t’u treguar sa më paqësor mund t’ju shndërrojë në një rrugicë ku të tjerët fshijnë këpucët nëse nuk jeni të kujdesshëm. Ju gjithashtu jeni në kërkim të një partneri që ju ngjan, në mënyrë që të keni sa më pak zënka në lidhje.
Akrepi – Jeni natyrë intensive dhe keni probleme me besimin, por jeni edhe shumë intuitiv. Akrepi e kupton kur dikush e gënjen dhe e urren kur të tjerët mbajnë sekrete. Mësohuni t’i besoni instiktit ose përndryshe do bëheni paranojak që gjithkush do t’ju lëndojë. Ju pëlqen konkurrenca gjithashtu. Sigurohuni që të mbetet në kuadrin profesional dhe jo një garë për të fituar dashurinë e dikujt.
Shigjetari – Ju i doni të gjitha shigjetar dhe këtu s’ka asgjë të keqe. Ju dëshironi liri, udhëtime dhe të zotëroni sa më shumë njohuri të jetë e nevojshme. Ndiheni të palumtur kur ngecni në kurth, qoftë në lidhje apo rrethana të tjera. Ju keni nevojë të jeni me dikë që ju lejon të rriteni dhe nuk ju lidh. Keni frikën e gjykimit nga të tjerët por keni edhe tendencën t’i gjykoni të tjerët. Tërhiqeni në argument e debate dhe vdisni të keni të drejtë. Vetëm kini parasysh që nuk do të ndodhë gjithmonë.
Bricjapi – Keni frikën se mund të humbni diçka dhe ju pëlqen të jeni të përgatitur në çdo moment për çdo sfidë të jetës. Kjo ju pengon edhe për mundësi të reja. Në lidhje jeni shumë besnikë kur përkushtoheni, por mund t’ju duhet pak kohë deri sa të arrini në këtë pikë. Jeni shumë të përgjegjshëm, por keni nevojë për kufij të fortë që mos t’jua marrin për dobësi në punë fleksibilitetin.
Ujori – Keni nevojë të jeni ndryshe nga të tjerët dhe të gjeni vendin që i përkisni. Ju pëlqejnë eksperiencat me njerëz, vende dhe situata që janë ndryshe nga ato me të cilat jeni rritur. Për këtë ju tërheqin njerëzit nga vende dhe kultura të ndryshme. Megjithatë jeni gjithmonë në kërkim të një vendi ku përshtateni. Kur nuk keni eksperieca të reja, ju shkëputeni nga njerëzit rreth jush, prandaj është e nevojshme të udhëtoni sa herë mundeni. Keni nevojë për miqësi dhe lidhje të forta, shpesh qëndroni miq me ishin tuaj kur lidhja nuk funksionon.
Peshqit – Ju jeni romantikët e horoskopit dhe ju pëlqen t’ju duan. Keni tendencën edhe të ndiheni të viktimizuar kur jeta nuk shkon siç duhet ose dikush sillet keq me ju. Shpesh kërkoni përgjigje për pyetjet që s’mund t’u japësh përgjigje, dhe ju çon në drama. Ajo që ju plotëson është të bërit diçka në të cilën besoni dhe zbut vuajtjet./Opinion.al
