Mediat Italiane raportojnë se ekzistojnë tre data se kur mund të luhet derbi i Milanos midis Interit dhe Milanit, por e gjitha kjo do të përcaktohet nga ecuria e Milanit në Europa League.
Disa ndeshje të kampionatit Italian janë vendosur të luhen midis datave 3 dhe 4 prill.
Sipas Corriere della Sera derbi mund të luhet në datë 25 prill, vetëm nëse Milani nuk kualifikohet për në gjysmëfinale të Europa League.
Një tjetër mundësi është që derbi mund të luhet në datën e finales së Kupës së Italisë dhe ndeshja e Kupës të shtyhet për në datë 25 maj.
Por nëse Milani arrin në finale të Europa League, atëherë derbi mund të luhet në 20 maj.
Data se kur do të luhet saktësisht derbi midis Interit dhe Milanit do të përcaktohet vetëm nga ecuria sesa larg do të shkojë Milani në Europa League.
