Partia Demokratike deklaroi sot se ka fakte që provojnë se paratë që iu gjetën Orest Sotës janë në fakt të Tahirit. Po kështu tha deputeti demokrat Alibeaj, Saimir Tahiri nuk shkoi në Gjermani për të atin, pasi tashmë Bashkim Tahiri është në Tiranë.
Deklarata e plotë
PD disponon fakte të reja, që provojnë se Orest Sota ka
penguar drejtësinë, duke mos thënë të vërtetën për pronësinë e 863
mije eurove, të kapura në makinën e perdorur prej tij bashkë me
patentat e Saimir Tahirit.
Versioni i tij, se me 863 mijë euro do të blinte hekur tek Kurum është një mashtrim për të mos treguar, se paratë ashtu si patentat, i përkasin Saimir Tahirit.
PD disponon dokumentat e gjykatës të qershorit 2017 se administratori i Kurum-it, Jusuf Kurum, e kishte të ndaluar cdo transaksion cash apo nëpërmjet bankës për shkak të procedurave të falimentit të kompanisë.
Sipas dokumentit te depozituar më 3 Gusht 2017 në Qendrën
Kombëtare të Biznesit, cdo transaksion mbi 20 milionë lekë i
administratorit Jusuf Kurum do të ishtë i pavlefshëm. Kjo do të thotë se Orest Sota e kishte të pamundur të bënte biznes me Kurum, me shifrën e 863 mije eurove, pak më shumë se 1 milionë dollarë.
PD nuk pa patur dyshim, që prej fillimit, se paratë i përkasin Saimir
Tahirit, i cili po vazhdon përpjekjet për të fshehur provat që e akuzojnë për trafik ndërkombëtar narkotikësh.
Në dyshojmë se këtë qëllim ka patur edhe udhëtimi i tij i mistershëm në Gjermani. Faktet e publikuara në media, provojnë se version i hedhur prej Tahirit, se po i qëndrontë afër të atit për arsye shëndetësore, nuk qëndron. Babai i Saimir Tahirit, ka hyrë dhe ka dalë nga Shqipëria, përpara largimit të Saimir Tahirit në Gjermani.
PD është e bindur se edhe nisja e hetimit nga Prokuroria e Krimeve të Rënda për pasurinë e shoferit të Saimir Tahirit do të zbulojë fshehjen e pasurisë së ministrit të Edi Ramës të vënë nga trafiku nderkombetar i drogës.
Por Partia Demokratike vëren me shqetësim se kryeministri Edi Rama po bën gjithcka për të mbrojtur ushtarët e tij, të lidhur me krimin dhe drogën.
Publikimi në media i pohimi të Ramës, para deputetëve socialistë, se
gjetja e patentave në makinën e Sotës nuk është një fakt për të cilin
Saimir Tahiri duhet të shqetësohet, është mesazh për pengimin e
drejtësisë.
Edi Rama po e pengon drejtësinë edhe me rastin e Vangjush Dakos, I
cili është rregjistruar gjatë zgjedhjeve, duke u premtuar tendera
kriminelëve më të rrezikshëm të Durrësit në këmbim të blerjes së
votave.
Heshtja e kryeministrit të vendit, për përfshirje në krimin e rëndë të
trafikut ndërkombëtar të narkotikëve dhe blerjes së votës në shkëmbim
të tenderave të dy bashkëpunëtorëve të tij, Tahiri dhe Dako, ka një
qëllim: të fitojë sa më shumë kohë derisa ta kapë plotësisht
Prokurorinë. Edi Rama po u jep atyre mbrojtje politike nga drejtësia,
sepse, gjithcka dhe të gjithë, lidhen me Edi Ramën.
Marrja nën kontroll e prokurorisë dhe sistemit të drejtësisë, i bën
Saimir Tahirin dhe Vangjush Dakon të paprekshëm dhe atëherë nuk do
të ketë asnjë peshk të madh në rrjetën e drejtësisë.
Me Edi Ramën lidhet krimi nëpërmjet Saimir Tahirit, Qazim Sejdinit, Vangjush Dakos, Agron Xhafajt. Drejtësia do të jetë e pafuqishme ndaj tyre derisa në krye të qeverisë të jetë Edi Rama. Vetëm me largimin e Edi Ramës do të ketë garanci për luftën kundër krimit të organizuar.
