Numri i nxënësve të asfiksuar nga tymi i kaldajës së një shkolle të mesme në Shupenzë të Bulqizës ka arritur në 60-të. Ndërsa një nxënës është nisur drejt Tiranës për ndihmë më të specializuar.
Burime të Opinion.al, thanë se pas kontigjentit të parë, ka mbërritur edhe një i dytë, ndërkohë që një pjesë e nxënësve janë dërguar drejt spitalit rajonal të Peshkopisë për mjekim më të specializuar.
Njoftimi i Policisë:
Shupenzë-Bulqizë
Në vijim të informacionit paraprak ku bën fjalë për disa nxënës të një shkolle të mesme që janë asfiksuar si pasojë e tymit të shkaktuar nga kaldajat ju informojmë se :
34 nxënës po marrin ndihmë mjekësore në spitalin e Bulqizës dhe ndodhen jashtë rrezikut për jetën.
25 nxënës po marrin ndihmë mjekësore në spitalin e Peshkopisë, dhe ndodhen jashtë rrezikut për jetën.
Një nxënese me inicialet A.M, 16 vjeçe, është nisur me helikopter drejt Tiranës për ndihmë më të specializuar.
***
Ministria e Shëndetësisë dhe Mbrojtjes Sociale ka reaguar pas asfiksimit nga gazi te gjimnazisteve ne gjimnazin e Shupenzes.
Sic behet me dije ne njoftim per shtyp, ministri “po ndjek nga afër situatën në Bulqizë, ku rreth 30 nxënës të shkollës së mesme të Shupenzës kanë shfaqur probleme shëndetësore si pasojë e vendosjes në punë të kaldajës në shkollën e mesme të Shupenzës”.
