Asha Hussein është një blogere myslimane e cila jeton në Londër. Asha mban të veshur një hixhab dhe ka krijuar blogun e saj “Asha Everyday” që prej vitit 2015. Ajo shpesh ndan me ndjekësit detaje nga jeta e saj e përditshme dhe madje është edhe shumë e hapur ndaj temave pikante.
Ajo i trajton këto tema me humor dhe me karizëm, dhe shpesh fakti që ajo mban të veshur një ferexhe, e bën të pakonceptueshme nga shumë njerëz.
“Nuk është e zakonshme që një vajzë si mua të flasë për marrëdhëniet në doza humori” – është shprehur ajo.
Ajo tregon se sa herë poston tema pak të forta, njerëzit habiten dhe merr shumë komente. Asha tregon se femrat myslimane janë shumë të keqkuptuara pasi njerëzit i shohin si gra pa karrierë, të mbyllura dhe se e vetmja gjë që duan në jetë është të martohen. Në rastin e blogeres kjo nuk është aspak e vërtetë, pasi 24-vjeçarja bën një jetë shumë normale, pa u privuar nga ferexheja që ka zgjedhur të mbaje./Opinion.al
