Kreu i Partisë Demokratike, Lulzim Basha, përmes një shënimi në Facebook, ka postuar foto nga ceremonia e sotme në Tropojë ku u ngrit busti i heroit të demokracisë, Azem Hajdari.
Basha shkruan se ata që ngrihen dhe përballen për kombin, lirinë dhe dinjitetin e bashkëqytetarëve të tyre, mbeten të pavdekshëm në altarin e lirisë dhe frymëzim për brezat.
Basha: Ata që ngrihen dhe përballen për kombin, lirinë dhe dinjitetin e bashkëqytetarëve të tyre, mbeten të pavdekshëm në altarin e lirisë dhe frymëzim për brezat. I tillë është Azem Hajdari. Sot në këto ditë të errëta ku krimi është bërë njësh me qeverinë, Azem Hajdari është frymëzim për çdo shqiptar, për çdo të ri, për tu ngritur dhe përballur me të keqen, për të luftuar dhe fituar për një Shqipëri të drejtë, të ndershme e të begatë.
