Gazetarët bullgarë kanë vendosur të dalin në protestë për të mbrojtur të drejtën e tyre për të punuar të lirë. Kjo protestë vjen pas tensioneve të partive në pozitë dhe mediave. Protesta do të zhvillohet ditën e mërkurë në godinën e Këshillit të Ministrave, në Sofje.
Kjo protestë do të organizohet nga Shoqata e Gazetarëve Evropianë, e cila ju bën thirrje gazetarëve si edhe qytetarëve të thjeshtë për t’i dalë në mbrojtje shtypit të lirë dhe të drejtës së tyre për të bërë pyetje kritike ndaj politikanëve dhe kërkesës për përgjigje.
“Ne nuk kemi frikë nga fakti se karriget tona do të mbeten bosh dhe nuk do të pranojmë presionin për të bërë pyetje të kota dhe të rehatshme” – u shpreh organizatori i protestës.
Tubimi u nxit nga akuzat e fundit të Zëvendëskryeministrit Valeri Simenov se mediat kryesore elektronike të Bullgarisë, transmetuesit privatë NOVA TV dhe BTV, si dhe televizioni dhe radioja publike, po drejtonin një fushatë masive kundër tij.
Ai gjithashtu akuzoi mediat se po i bënin pyetje tendencioze të cilat ishin kundër imazhit të tij. Ai gjithashtu kërcënoi gazetarët e NOVA TV se mund të humbisnin punën./Opinion.al
