Një ngjarje e rëndë ka ndodhur sot në rrugën Torovicë- Malecaj në Lezhë, kur një masiv shkëmbor është shkëputur duke rënë mbi një makinë që udhëtonte në këtë aks. Tre persona nga e njëjta familje humbën jetën tragjikisht, pasi mjeti është shtypur nga masivi shkëmbor. Dy vvëllezër dhe bashkëshortja shtatzënë e njërit prej tyre, janë viktimat e kësaj ngjarjeje të rëndë.
Informacioni nga Policia:
Me datë 07.10.2017, në rrugën Torovicë – Malecaj në Lezhë , një masiv shkëmbor është shkëputur nga mali duke rënë mbi një mjet tip fuoristradë Land Rover me targë AA 322 CV.
Deri në këto momente, janë identifikuar 3 viktima të cilët ndodheshin brenda në mjet pasi gjysma e mjetit është e shtypur dhe mbuluar nga masivi shkëmbor.
Shërbimet policore në bashkëpunim me Prokurorinë e Rrethit Gjyqësor Lezhë, zjarrfikëset dhe ambulancën ndodhen në vendngjarje për veprime të mëtejshme.
