Ish-deputetja e PD-së, Majlinda Bregu e ftuar në emisionin “5 Pyetjet nga Babaramo”, ka folur lidhur me situatën e PD-së, si dhe lënien jashtë liste. Ajo për të disatën herë është shprehur se Basha me atë listë është hakmarrë.
“Unë di të them që në të gjitha zgjedhjet që kemi kaluar që nga 2007 ne kemi kaluar orë e orë të tëra për të përgatitur listën. Unë isha shumë e qartë, dhe e kam pritur me qetësi mbetjen jashtë listës së zgjedhjeve. Unë duke njohur Bashën e prisja hakmarrjen. Por nuk prisja që një njeriu me vizion ta mendonte partinë si një gjë që ta mjelë vetë”.
Cila ishte surpriza e listës?
Unë kam gjetur shumë emra që kanë hyrë në parti vetëm në ditët kur qëndruam në çadër.
Në çdo lajm e kemi marrë ose nga gazetat ose nga televizioni. Ishte e turpshme që asnjëri minimumi nuk u thirr që të thoshte faleminderit. Ka ndodhur dhe me Ridvan Boden, që nuk u lalenderua për gjithë kontributin që ka bërë.
Ishte çarja, përçarja dhe thyerja e besimit të njerëzve që kanë kontribuar aq shumë.
Po ndoshta Basha nuk kishte kohë?
Unë të falënderoj që po më provokom, për të bërë justifikime, duke mbrojtur Bashën. Unë nuk mendoj se nuk ka qenë çështje kohe.
Për gati tre muaj qëndruam në çadër. Ne shprehëm qëndrime për zgjedhjet. Çdo ditë që kalonte e kushtëzonte me shumë pozicionin e PD-së.
Ishte një mungesë totale përgjegjësie dhe serioziteti. Morën mbi vetë morinë ndërkombëtare, PPE. Ne humbëm kohë për tu përgatitur për zgjedhje. Ne hymë në zgjedhje me një kosto të jashtëzakonshme. Ne refuzuan dhe një paketë që ishte MacAllister.
