Kreu i PD-së, Lulzim Basha hodhi batuta ndaj Ramës ditën e sotme në Durrës. Basha, duke iu referuar thënies së Kim Mehmetit, tha se Rama del në frigorifer kur ai është bosh.
“Sikurse më tha sot gazetari në studio, kur e hapim frigoriferin, gjithmonë në frigorifer është Edi Rama, sepse në frigorifer është gjithmonë qeveria, kur frigoriferi është bosh, kur frigoriferi është zbrazur, është koha për të votuar për ikjen e qeverisë. Frigoriferët e shqiptarëve janë bosh, tavolinat janë bosh, xhepat e durrsakëve dhe shqiptarëve janë bosh. Koha për Edi Ramën ka mbaruar, ndëshkojeni me votë në 25 qershor”-ka thënë Basha.
