Një person është plagosur me thikë gjatë një sherri që ka shpërthyer në një takim elektoral në fshatin Bërxullë të Tiranës. Policia tha se ngjarja ka ndodhur tek një lokal i kthyer si zyrë elektorale për Partinë Demokratike.
Personi që mbeti i plagosur, me iniciale A.S. ka shkuar për të prishur takimin elektoral të PD dhe në sherr e sipër njëri prej militantëve e ka plagosur.
Njoftimi i policisë
Rreth orës 12:05, gjatë këtij takimi ka patur një konflikt midis shtetasit N. P., rreth 45 vjeç dhe shtetasit A. S., rreth 40 vjeç.
Konflikti ka degraduar në plagosjen me mjete prerëse të shtetasit A. S., i cili ndodhet në Spital, nën kujdesin e mjekëve jashtë rrezikut për jetën.
Shtetasi N. P., ndodhet i shoqëruar në ambientet e Komisariatit të Policisë Vorë.
Grupi hetimor në vendin e ngjarjes po punon për sqarimin e rrethanave të konfliktit.
/Opinion.al
