Gjatë takimeve me mbështetës të partisë së tij, Sfida për Shqipërinë, Gjergj Bojaxhi tha se themeli i shëndetësisë në Shqipëri duhet të jetë siguria ushqimore.
Kandidati i Sfida për Shqipërinë u tha qytetarëve se numri i sëmundjeve që lidhen me sigurinë ushqimore është rritur ndjeshëm dhe se kjo duhet të ndryshojë.
“Këto janë çështjet e rëndësishme për të cilat ata duhet të flasin. Ndërkohë që njerëzit sëmuren nga dështimi i tyre për të garantuar ushqime të sigurta, që është diçka minimale, ata bëjnë fushatë për gjërat e tyre. Sa mandate do të marrë njëri apo tjetri, kjo i shqetëson. Jo numri i të sëmurëve nga ushqimet, por mandatet,” u shpreh Bojaxhi.
Gjergj Bojaxhi tha se Sfida për Shqipërinë është subjekti politik që i ngjan më shumë shqiptarëve dhe se numri 4 në fletën e votimit është përgjigja ndaj neglizhencës së politikës kundrejt shqiptarëve.
“Sfida për Shqipërinë beson shëndetësia, e cila duhet të fillojë nga siguria ushqimore, por edhe çështjet e tjera që mundojnë shqiptarët, mund të zgjidhen vetëm duke zgjedhur se çfarë politike duam. Nuk mund të vazhdojmë me të njëjtën politikë si këto 27 vjet. Duhet një politikë e pastër. Duhet një politikë me vlera. Sfida për Shqipërinë është mishërimi i vlerave më pozitive që Shqipëria ofron,” tha kandidati Bojaxhi.
Partia Sfida për Shqipërinë renditet në fletëvotimi me numrin 4, me Hektor Ruci si kryetar administrativ.
https://www.youtube.com/watch?v=aJVpbZVBj3I
