I ftuar në emisionin “Opinion” Presidenti i zgjedhur dhe ish-kryetari i LSI-së Ilir Meta ka bërë disa deklarata të forta ndaj kryeministrit Rama, ai tha se Rama ka dashur të kap reformën në drejtësi duke përjashtuar prej saj opozitën. Meta tha se kjo ka qenë një nga mërzitjen e Ramës me të sepse e donte drejtësinë për vete.
“Rama donte të bënte një Reformë në Drejtësi për të kapur Drejtësinë, kam patur debate kokë më kokë, nuk kam pasur hallin e PD, por shqetësimin e stabilitetit të vendit, kam pasur shqetësimin e kësaj reforme.
Në rastin e dytë, Rama i donte zgjedhjet pa opozitën. Ai e ka futur Bashën për zgjedhje për ta përdorur. Është shumë e qartë kjo gjë. Të gjithë e kanë kuptuar këtë. Ata kanë bërë marrëveshje që të sabotojnë zgjedhjet për krizat e brendshme të partive. Ja, një njeri që do republikë të re dhe çon në mes të natës listën e PDsë pa pyetur kryesinë. Si mund të bëhet një veprim i tillë?”, është shprehur Meta. /opinion.al
