Gjatë viztës së tij në Uashington, kreu i Repoublikanëve Fatmir Mediu po zhvillon një sërë takimesh, me fokus zgjidhjen e krizës politike në vend. Mediu është takuar me përfaqësues të Shtëpisë së Bardhë dhe Departmentit Amerikan të Shtetit si dhe përfaqësues të senatit dhe kongresit.
Në ditën e parë të vizitës z Mediu takoi Senatorin Mike Lee, të cilin e falenderoi per letrën qe 6 senatorët I dërguan sekretarit Tillerson për situatën e papranueshme në Shqipëri.
Senatori Lee premtoi se ata do të ndjekin me vëmendje situatën në Shqipëri dhe çështjet zgjedhore, dhe situatën e korrupsionit dhe krimit të organizuar.
“Ne jemi në kontakt të vazhdueshëm me Departamentin e Shtetit, theksoi ai dhe do të këmbëngulim së bashku që Shqipëria të ketë zgjedhje të lira dhe të ndershme, si dhe një qeverisje që garanton besimin e qytetarëve shqiptarë për zgjedhje të lira. Zgjedhjet pa opozitën do të jenë të papranueshme dhe një kthim prapa”.
Po ashtu, në vazhdën e takimeve zoti Mediu zhvilloi një mëngjes pune në Kongres me kongresmenët Jeff Forrtbery, John Moolinar dhe Robert Aderholt, të cilët theksuan se mbështetja që iu dha Shqipërisë nga SHBA për t’u bërë vend anëtar i NATO-s, u bazua mbi një shtet që duhet të funksionojë në mënyrë demokratike, një vend dhe qeveri që respekton vullnetin e qytetarëve për zgjedhje të lira, dhe lufton krimin dhe korrupsionin.
