Një i vdekur dhe katër të plagosur është bilanci i një aksidenti në rrugën Mamurras – Milot, në afërsi të fshatit Gjorm. Një makinë me targa të Kosovës, që drejtohej nga Shkodran Hoti u përplas me një traktor që drejtohej nga Alfred Zogu.
Fillimisht mbetën të plagosur 5 persona, të cilët u dërguan në spital. Por tre orë pas përplasje fatale, Shkodra Hoti nuk ka mundur t’i mbijetojë plagëve të marra dhe ka gjetur vdekjen në Spitalin e Traumës.
Nga veprimet e para hetimore dyshohet se shkaktar i aksidentit është drejtuesi i traktorit. Ai ishte duke udhëtuar në kah të kundërt të rrugës dhe i ka dalë para makinës, ku udhëtonin 4 të rinjtë nga Kosova. Të gjithë pasagjerët që ndodheshin në makinën me targa të Kosovës dhe Alfred Zogu ndodhen nën kujdesin e mjekëve./Tv Klan
