Është zbardhur takimi me dyer të mbyllura mes kreut të Kuvendit, Ilir Meta dhe shefes së politikës së jashtme në BE-së, Federica Mogherini.
Mësohet se kreu i Kuvendit e ka vënë theksin te zbatimi i Reformës në Drejtësi.
“Një reformë e bazuar në Kushtetutë e rrit besueshmërinë e procesit dhe e përshpejton zbatimin më cilësor të saj me qëllim që Shqipëria të ketë mundësi ta luftojë më mirë korrupsionin, krimin e organizuar, trafiqet e paligjshme dhe për të krijuar një klime më të favorshme për investimet e huaja”, mësohet të jetë shprehur Meta.
Gjatë takimit, Meta dhe Mogherini diskutuan gjithashtu edhe mbi zhvillimet e fundit në rajon duke ndarë bindjen e përbashkët se një Shqipëri e stabilizuar dhe konstruktive i shërben më mirë stabilitetit dhe bashkëpunimit rajonal.
Burimi: Panorama
