Një 28 vjeçar nga Vlora, i identifikuar si Arlind Lulushi, ka qenë shënjestra e atentatit të mbrëmjes në Vlorë. Persona ende të paidentifikuar kanë qëlluar me arme në drejtim të Lulushit i cili punonte si badigard i një pike bastesh në lagjen “Isa Boletini”.
Sipas një dëshmitari të ndodhur në vendngjarje disa detaje të reja dalin nga kjo plagosje; pasi është qëlluar, 28 vjeçari, për disa minuta ka qëndruar i shtrirë në tokë, ndërkohë që shokët e tij bërtisnin për ndihmë. Sipas dëshmitarit asnjë nga kalimtarët nuk afrohej ta ndihmonte, derisa në fund ndaloi një makinë dhe e transportoi ne spital.
“Jam një qytetar nga qyteti Vlorës, u gjenda aksidentalisht në rrethana shumë të rrezikshme, ku një djalë rreth moshës 25vjeç A.Lulushi, u qellua me armë, nuk e vura re sepse u shmanga në ato momente, por besoj se u qellua nga një makine në levizje (s’jam i sigurt se çfarë ndodhi) pasi në ato momente nuk ke kohë të shikosh çfarë bëhet. Ai djali po leviste në kembe në ato momente ku njerën pantallone e kishte ngritur më lart , sa u afruan disa shok ai ra në shesh, njerëzit bërtisnin, por askush nuk ndalonte me makinë për ta çuar në spital, pasi të gjithë s’po kuptonin çfarë po ndodhte 4-5 persona bërtisnin ndaloni mereni këtë se vdiq, në fund ndalon një c-class e merr dhe e çon n spital, minuta me vonë erdhi policia,” ka thënë për opinion.al dëshmitari.
Lulushi nuk është një emër i panjohur për blutë e Vlorës ku 4 muaj më parë ka qenë objekt i të shtenave me arme po në të njejtën zonë. Bëhet fjalë për ngjarjen e datës 3 nëntor ku fatmirësisht nuk janë shënuar viktima.
Ndërkohë Lulushi ka qenë më herët i arrestuar edhe si bashkëpunëtor i kushëririt të tij Ervis Lulushi , ky i fundit në 1 Janar të vitit 2015 vrau me arme zjarri në zonën e ujit të ftohte 21-vjecaren Paola Bisha dhe kushuririn e saj 28-vjaçar Parid Velaj. /opinion.al
