“Fifty Shades Darker” është seria e dytë e trilogjisë së shkruar nga E.L. James që së shpejti do të shfaqet edhe në sallat e kinemasë.
Pasi të shihni trajlerin e dytë të publikuar mbrëmjen e djeshme do të kuptoni se çfarë ka dashur të thotë autorja që në titull.
Në gati dy minuta shfaqet Anastasia Steele (Dakota Johnson) dhe i dashuri i saj i pasur, Christian Grey (Jamie Dornan), në skena seksuale në krevat, dush, palestër, madje edhe brenda ashensorit plot me njerëz.
Në këtë seri, Grey arrin të bëjë Anastasian ta fal për sjelljen e tij dhe të dy kalojnë lidhjen e tyre në një tjetër nivel.
Megjithatë konfliktet për çiftin do të rifillojnë kur në skenë shfaqet Elena Lincoln (Kim Basinger), e njohur nga episodi i parë si Zonja Robinson, gruaja që ka abuzuar me Grey-n kur ishte i ri.
Situata komplikohet edhe më kur shfaqet Leila Williams (Bella Heathcote), ish e dashura e Grey-it. Ajo vuan nga një sëmundje mendore, gjë që e bën të fiksohet me jetën e Steele.
“Fifty Shades Darker” do të shfaqet këtë Shën Valentin, më 14 shkurt 2017. Deri atëherë mund të shikoni trajlerin në mënyrë të përsëritur!/ përgatiti opinion.al
