Probleme me qarkullimin në disa rrugë të vendit për shkak të reshjeve të shiut. Ministria e Transportit dhe Infrastrukturës bën të ditur se, “në disa segmente rrugore për arsye të kushteve të motit të keq këtë fundjavë, rekomandohet kujdes në qarkullim”.
MTI kërkon mirëkuptimin e të gjithë drejtuesve të mjeteve, për të zbatuar rregullat e qarkullimit, ndërsa njoftojnë për gjendjen e akseve rrugore dhe kalueshmërinë e mjeteve në to.
Sipas informacionit nga MTI, në segmentin rrugor Tiranë – Durres, në rrugën që shkon për tek nënkalimi i City Park, rruga është e bllokuar pasi ka një cedim ( ulje te madhe). Janë marrë masat me plotësim sinjalistike. Po punohet nga firma kontraktore për normalizimin e situatës.
SITUATA
Superstrada Tirane – Durres nuk ka patur probleme per qarkullimin.
Ne segmentin rrugor Lanabregas – Uzina Traktori, ka prani te ujit në rrugë. Firma po punon për zhbllokimin e rrugës.Nuk ka problem për qarkullimin në këtë segment.
Në zonën e Shkëmbit te Kavajes, ka prani të ujit në rruge. Kontraktori po punon me mjete dhe forca për largimin e ujit me anë të pompave.
Nuk raportohen probleme në të gjitha akset e këtij qarku.
Në aksin Elbasan – Qafe Thane, nuk ka probleme për qarkullimin.
Në aksin Qafa e Dushkut – Kuç, është dëmtuar Ura që lidh Lepenicen me Brataj, nga prurjet e lumit. Kalimi është devijuar deri në ndërtimin e një ure të re.
Në aksin Kukes – Qafe Shllak, ku ka patur nje shëmbje të rruges, kalimi kryhet vetem për mjetet e vogla dhe furgonat. Firma kontraktore po punon per mbajtjen nen kontroll te situates.
Ne aksin Krume – Qafe Prush, në Vlane, ka një shembje në gjatësi rreth 50 ml, rruga është një kalimshme. Pjesa tjetër e aksit nuk ka probleme për qarkullimin.
Ne aksin Shkodër – Qafë Qele, ku ka shembje të trupit te rruges ka probleme me qarkullimin.
Te Harku i Berdicës, situata është normalizuar, qarkullimi kryhet normalisht.
Në aksin Qafe Mali – Fierzë, ka patur rënie guresh e dherash, të cilat po pastrohen nga kontraktori.
Në aksin B. Curri – Valbone, prurjet e shumta kanë gërryer nje pjesë te rrugës. Në vend ka prani te mjeteve dhe fuqi punetore të shtuar të cilët bëjnë pastrimin e aksit nga renia e herë pas hershme e gurëve dhe dherave.
Kujdes përmbytjet, meteorologët: Reshje të dendura, zonat që preken
Nuk ka kaluar ende rreziku i përmbytjeve. Dita e sotme ka nisur me rrebesh shiu dhe reshje të dendura në disa zona të vendit. Meoeoalb sqaron se do të kemi shira me intensitet mesatar dhe te larte.
“Me problematike situata do te paraqitet ne zonat veriore pasi shirat do te jene deri ne 80 mm, ndërsa me shira te intensitet mesatar do te jene zonat qendore dhe jugore duke shënuar deri ne 50 mm”- thotë Meteoalb.
Sipas parashikimit, shirat me intensitet te lartë do të mbeten prezent edhe paraditen e së shtunës. Dita e diel dhe java tjetër do të ketë përmirësim te situatës.
Temperaturat e ajrit do te pësojnë rënie te ndjeshme ne vlerat minimale që nga e diela dhe në vijim, ndërsa maksimalet nuk do të kenë shumë ndryshim të tyre.
