Lidhur me aksidentin e ndodhur mesditën e sotme në autostradën Tiranë Durrës, policia bën të ditur se makina ka përplasur një këmbësor, i cili ndërroj jetë në spital. Aksidenti ndodhi në zonën e Domjes, ku një automjet me targa AA 843 NR që drejtohej nga shtetasi M. S., ka aksidentuar një burrë rreth 50 vjeç, i cili ishte kmëbësor. Ai ka gjetur vdekjen rrugës për në spital.
Grupi hetimor po punon për identifikimin e viktimës dhe zbardhjen e rrethanave të aksidentit.
Drejtuesi i mjetit është ndaluar në flagrancë dhe është shoqëruar nga shërbimet e Qarkullimit Rrugorë Tiranë.
