Partizani ka publikuar në faqen e vet zyrtare në Facebook imazhet e projektit të kompleksit sportiv të klubit dhe stadiumit të ri. Prej kohësh ka nisur puna dhe kanë dalë edhe detajet e para, në lidhje me vendndodhjen, kapacitetin, numrin e fushave, etj, por tani Partizani prezanton edhe imazhet. Sipas presidentit Demi, njëra fushë stërvitore do të jetë gati që në shtator, ndërsa për stadiumin natyrisht do të duhet më shumë kohë dhe me shumë mundësi sezonin e ardhshëm Partizani do t’i luajë gjithë ndeshjet shtëpiake në “Elbasan Arena”.
